Эрхэм хүндэт Жаргалант сумын иргэд та бүхэндээ энэ өдрийн мэндийг өргөн дэвшүүлье.
Та бүхнийг Орхон аймгийн Жаргалант сумын иргэдийн Төлөөлөгчдийн Хурлын цахим хуудсаар зочилж буйд талархал илэрхийлье. Энэхүү цахим хуудас нь сумын иргэдийн Төлөөлөгчдийн Хурлын үйл ажиллагаа, бодлого шийдвэр, тогтоол, хурлын хуралдаан, цаг үеийн мэдээ мэдээллийг иргэдэд нээлттэй, шуурхай хүргэх зорилготой юм.
Жаргалант сумын хөгжил дэвшил, иргэдийнхээ ая тухтай амьдрах орчныг бүрдүүлэхийн төлөө нутгийн өөрөө удирдах байгууллага нь хууль дээдлэх, ил тод нээлттэй байх, иргэдийн оролцоог хангах зарчмыг эрхэмлэн ажиллаж байна. Бид иргэдийн санал хүсэлтийг сонсож, хамтын оролцоонд тулгуурласан шийдвэр гаргалтыг дэмжин, тогтвортой хөгжилд чиглэсэн бодлого хэрэгжүүлэхийг зорьдог.
Цахим хөгжил, мэдээллийн хүртээмжийг нэмэгдүүлэх хүрээнд энэхүү цахим хуудсаар дамжуулан иргэд та бүхэндээ үнэн зөв, бодит мэдээллийг хүргэж, төр иргэний хамтын ажиллагааг бэхжүүлэхэд анхааран ажиллах болно.
Төрөлх сумынхаа хөгжил цэцэглэлт, иргэдийн сайн сайхны төлөө хамтран ажиллаж буй нийт иргэд, аж ахуйн нэгж, байгууллагууддаа талархал илэрхийлье.
Та бүхэнд эрүүл энх, аз жаргал, ажил хөдөлмөрийн өндөр амжилтыг хүсэн ерөөе.
Хүндэтгэсэн,
Жаргалант сумын ИТХ-ын дарга Ш.БИЛГҮҮНБААТАР
